اینانج‌لار / تولکو / تیلکی ایرانین گونئی‌یینـده یاشایان تورک‌لرین اینانج‌لارینـدان : تولکولر وایخیراندا (واققیللایاندا) باشماق‌لار اوزو اوستونه چئویریلسه تولکولرین سس‌لری کسیلر. نفیس سینافر

آتالار سؤزۆ_‌دئییم‌لر قاشقایی تورک‌لری‌نین آتا سؤزلرینـدن: *تک ألـدن شاپ چیخمز (چیخماز) *تپیک یئیه‌نده ده آت تپیگی یئیه‌سی‌ینگ، نه ائششک تپیگی *تای‌لی تایی‌نی بولماسا (تاپماسا)، گونو یامانلیغا گچر (گئچر) *بؤیوکـدن اوزولن بؤیوک اولماز *ائل قَییرنی (قاییرانی)، سئل دَویره‌مز *اؤزومو سئون ایتیمی داشلاماز *دینینگـدن (دینینـدن) چیخدینگ، ائلینگـدن (ائلینـدن) چیخما (چیخما) *آتیلان داش …

  گئییم‌لر / سوسگه‌لر / قول‌باغی قول‌باغی: قولا باغلانان یازیلی، ناخیشلی قول‌باغ. قول‌باغی‌لارین اوزرینه مینجیق‌ ایلا داش دان دامغالار، یازی‌لار و دووالار تیکیلیرمیش. قول‌باغ اؤزل توخونموش ایپ‌لر یوخسا بئزدن قولپ‌لارلا قولا باغلانیرمیش . بیر پارا ائل‌لرده قول‌باغی‌نین قول آلتی بؤلومونـدن قوتاز و میخک (موخک) ساللارمیشلار. نفیس سینافر

اینانج‌لار / بیزدن یئی‌لر قاشقایی تورک‌لرینـده بیزدن یئی‌لره باغلی اینانج لار: -گئجه‌لر تولوغدان سو گؤتورمزلر؛ بیزدن یئی‌لر اوندان سو گؤتورمه‌یه گلمیش اولا بیلرلر. -گئجه‌لر یئره سیجاق (ایستی ) سو تؤکمزلر؛ بیزدن یئی‌لرین بالالاری‌نین اوستونه تؤکوله بیلر. بئله‌جه بیزدن یئی ‌لردن ساری گلن قادا بالادان ایراق قالارلار. نفیس سینافر

آتالار سؤزۆ_‌دئییم‌لر غارئنجا غارا گونـده، غورباغا ساز صؤحبتـده / قارینچا قارا گونـده، قورباغا ساز صؤحبتـده تورکمن ناغئلی ( تورکمن آتا سؤزو) نفیس سینافر

توخومالار / نفر قالی‌سی نفر ائلی ایرانین گونئی‌ینده یاشان بؤیوک تورک ائللریندن دیر. بو ائله اؤزل توخومالاردان نفر قالی‌سی دیر. گؤندرن : محمد باقر ستاری نفیس سینافر

خبرلر-یازی‌لار / خویـون داش قاپی یونولتوسو خوی شهری‌نین داش قاپیسیندا قورتولوش ساواشینین (ائرمنی سالدیریسی قورتولوشونون) یوزونجو ایل دؤنومو آنیتـینا یونولان دووار یونولتولاری. گلجک ایل ائرمنی جینایتلری‌نین یوزونجو ایل دؤنومودور. گؤندرن: عباس حوسئینلو نفیس سینافر

أمچی‌لیک / سولوک بئیین دامارلاری‌نین پارتلاماغینا گؤره باییلان آدامین باشینا سولوک سالارمیش‌لار. سولوک لاختالانمیش کیفیر قانلاری أمه‌رک ، قانین دورولماسی ایلا قان دولاشیمینین دوزگون آخماسینی ساغلایار. نفیس سینافر

دَب‌لریمیز / بایداق قاشقایی تورک‌لری‌نین توی بایداغی : بو بايداغی تویـدا اوغلان اوباسی‌نین چادیری اوستونه دیکرلر. بايداغین اوجونا بیر کله قند آسیلار، تویون سونوندا اوبانـین گنج‌لری بو کله قندی نیشانلاییب گولله لی‌یرلر. ایرانین باشقا تورک لری اؤزلليک’له آذربایجان بؤلگه‌سینده یاشایان تورک‌لرده ده أسکی دن توی بایداغی دیکمه دبی وار ایمیش. نفیس سینافر

اوجاق‌لار_دامغالار / نفر دامغاسی ” نفر ائلی وار اولسون، بایرامیز آیدین، بیزیم تویوموزا خوش گلیبَنگز ” نفر دامغاسی توی خوش گلدینی دئمک اوچون یازیلمیش یازی‌نین اوزرینده دیر. گؤندرن : محمد باقر ستاری نفیس سینافر