بیتگی‌لر / آجار آجار : کاوار/ کورات / قوراتـا بنزر خوراسان داغ بیتگی‌لریندن دیر. کاوار اینان تکجه آییریقسیلیغی آجارین ایتی و آجی ایی‌سینده دیر. بو بیتگی یئملی بیتگی‌لردن دیر. جؤشوره و لووزوک کیمی خوراسانا اؤزل یئرلی یئمک‌لرده قوللانیلیر. گؤندرن : ییلماز خوراسانلی (عبدالله قاسمی) نفیس سینافر

تانیتمالار / جانلی‌لارین سسی جانلی‌لارین سس‌لری‌نین آدی: قورد اولاییر. آت کیشنه‌ییر. ایت هورور / هوخورور * / هوققورور*. أنیک وَنگیله‌ییر. پیشیک ماویلداییر. ائششک آنقیریر / هانقیریر *. دَوه نریلده‌ییر / گومبولـلا‌ییر (قومبولـلا‌ییر) *. سیغیر بؤيورور / باغیریر *. قویون مَله‌يیر . قوچ میریللاییر *. پازان باققیلاییر*. گئچی بئییریر. آیی دونقورلور. …

اینانج‌لار / قافیل گولـله / قَفیل گولـله / قافیل سانجی قَفیل گولـله / قافیل سانجی : أسکی چاغ‌لاردا بیری‌نین آپاندیسی پارتلایاندا آغیری – اینجی‌سینین و یا اؤلومونون ندنی آنلاشیلمادیغی اوچون او آداما قفیل گولـله دَییب دئییرمیش‌لر. نفیس سینافر

آتالار سؤزۆ_‌دئییم‌لر _قیلیـنا مینجیق دوزمک _قیلـدان قایماق توتماق (بیر ایشـده آشیری اینجه‌لیب دیققت ائدنده بو دئییم‌لری دئیرلر) نفیس سینافر

تانیتمالار / قوتاز / قومپول / گومپول قوتاز / قومپول / گومپول : تورک قادین‌لاری‌نین دوزلتدیگی سوسگه‌لردن دیر. قوتازا ایرانین گونئی دئگیشینـده گومپول / گومبول (قومپول) دئیرلر. قوتاز تورک قادین‌لاری‌نین سئودیگی سوسگه‌لردن دیر. گومپول (قومپول) یا قوتازی جئجیم یؤورسی، چانتا، قوران قابی، قول‌باغی، ساچ و یاغلیق (یایلیق) سوسگه‌سی، آت و …

اوجاق‌لار_دامغالار / نفر دامغاسی نفر دامغاسی : أسکیـدن تورک طایفالارینا اؤزل دامغالار واریمیش. بیر پارا طایفالار بو دامغالاری بو گونه جن قوروماق و ساخلاماغی باشاریبلار. بو ائل‌لردن بیری ایرانین گؤنئی‌یینده یاشایان بؤیوک تورک ائل‌لریندن اولان نفر ائلی دیر. شکیلـده اولان دامغا “نفر” ائلی‌نین دامغاسی اولاراق تانیلیر. گؤندرن : محمد باقر …

گئییم‌لر / باش گئییم‌لری / کورته کورته : تورکمن قادین باش گئییم‌لرینـدن دیر. کورته اوست گئییم کیمی قوللاری اولان بیر پالتار دیر . آما بو گئییم‌ین دبی أگینه گئیمک یئرینه باشا اؤرتمک‌ دیر. کورته‌یی قیزلار گلینلیک‌لری اوچون تیکیب حاضیرلارلار. کورته تورکمن گلین‌لرینه اؤزل باش گئییمی دیر. نفيس سينافر

گئییم‌لر/ آیاق گئییم‌لری آیاق گئییم‌لری (بیرینجی): آیاق قابی: هر چئشیت و نئجه‌لیکـده (کئیفییتـده) آیاغـا گئییـلن آیاق گئییمی‌نین آدی. اوروسی: آلتی گؤن، اوستو وئرنی یا مخمردن تیکیلن شَپیک‌لر (شَپیت‌لر). قادین و کیشی اوروسی‌سی‌نین آییریقسی‌لیغی بویاغ‌لاری اوزریـندن دیر. اَهَری: آلتی آغاج و اوزو گؤنـدن اولان دوز آیاق قابی، اهری‌نین اوجو یوخاری‌یا ساری …

گئییم‌لر / سوسگه‌لر / میخک میخک : میخک کؤچری تورک‌لرین سئودیگی سوسگه‌لردن دیر. میخک چؤپ‌لرینی خینالی سودا ایسلادیب، ایگنه اینن نئچه یئردن دلیب ایچینـدن ایپ کئچیدرلر. میخک‌لری بیر بیر یانیـنا دیزمک‌ ایله بویون‌باغی (بویماق) کیمی سوسگه‌لر دوزه‌لدیرلر. میخک سوسگه‌لرینی قیز گلین‌لر، گلین‌لر و گنج قادین‌لار توی‌لاردا بویماق اولاراق یا دا …

بیتگی‌لر / آلا لوببان آلا لوببان : کلم کیمی کؤکـلو بیتگی‌لردن دیر. یئمه‌لی بیتگی‌ دیر. گؤندرن : ییلماز خوراسانلی (عبدالله قاسمی) نفیس سینافر