یئنی قاپی – ائل بیلیمی
یاراق‌لار / یاغ چکمک دوزه‌نی
یاغ چکمک دوزه‌نی :دؤیولموش یاغلی چکیردکلرین یاغینی چیخارتماق اوچون بیر دوزه‌ندیر.
یاغ چکمک دوزه‌نینده بو یاراق‌لار ایشله‌نیر : گؤبک داشی، بورغو دیرگی، بوراجاق، آغیر آغاج (هامبال آغاجی)، آغیر آغاجین دایاغی
گؤبک داشی بورغو دیرگینی یئرده دنگه‌لی ساخلاماق اوچون دور. بورغو دیرگیـنین بیر اوجو گؤبک داشیـنین اورتاسیندا ، اوبیر اوجودا باجادان داما چیخار. بو بورغویو بورماق اوچون بورغونون اوستونده بوراجاق واردیر. هامبال آغاجی اولدوغجا آغیر دیر. اونون اوجو بورغونون رزبه‌لری ایله اویغون بیچیمده تاراشلانیبدیر. بورغو دیرگی بورولدوقجا آغیر آغاجی اوست و آشاغی یؤنده ترپه‌دیر. دؤیولموش چکیردک‌لری تلیسه دولدوروب آغیر آغاجین آلتینا قویارلار. بو آغاجین آغیرلیغی ایلا باسقیسی چکیردکلرین یاغینی چیخاردار.
گؤندرن : عباس حوسئینلو
نفیس سینافر
This post is also available in: TÜRKCƏ
