اینانج‌لار

اینانج‌لار / آل‌ آروادی آل آروادی آذربایجان فولکلوروندا آل آروادی‌نین آدی چوخ تانیش آدلاردان‌ دیر و دئمک اولار هامی اونون آدینی ائشیدیب. کوتله اینانج‌لاریندا هر زمان اونون آدی گلسه، کسین بیر یئرده جنایت ائدیب قان تؤکه‌جک. بو اوزدن آل آروادینی “آدی باتمیش” دئیه تانیتدیرارلار. هر حالـدا “اوجا بویلو قورخونج بیر …

اینانج‌لار / درگزین اینانج‌لاری هاوا دوروم‌لاری ایلا ایلگین همدانین درگزین بؤلگه‌سینده اولان اینانج‌لار: -قیش آی‌لاریندا یئل دوغودان أسرسه یاغینتی اولاسیلیغی یوزده دوقسان دوققوزدور. -یئل ایسفاهاندان ساری أسرسه یاغینتی اولاجاقدیر. -قیش گئجه‌لرینده آی یؤورسینده بیر هالای اولوشورسا ییرمی دؤرد ساعات سونراسی یاغینتی اولاجاقدیر. -قیش گون‌لرینده هاوا گونش‌لی اولوب گونون ایستیسی یاندیرارسا …

اینانج‌لار / ایلان موهره‌سی ایلان موهره‌سی: قاشقایی تورک‌لری‌نین اینانج‌لارینا گؤره ایلان مونجوغو (موهره‌سینی) بئله أله گتیرلنیر : ایکی ایلان چاتیشانـدا * عمی قیزی-عمی اوغلو اولان اوشاق‌لارین تومانینی چیخاردیب چاتیشان ایلان‌لارین اوستونه آتارلار . تومان‌لاری آتـان آدام یئتدی کشه (دفعه) بیر چایـدان کئچه‌سیدیر (یا یئتدی دره‌دن کئچه‌سیدیر). سونراسی ایلان گلیب چایین …

اینانج‌لار/ باشماق‌لار باشماق‌لار : *هر کیمین باشماق‌لاری بیر-بیری‌نین اوستونه توشسه یولجولوغا گئدجه‌یینه اینانار‌لار. *بیری‌نین باشماق‌لاری آغیز-آغیزا دایانسا بیری‌لری ایله تارتیشماسینا (سؤزو چیخاجاغینا) اینانارلار. *بیری دوشـده باشماق گؤرنده دارغینلیغا اوغرایاجاغینا اینانارلار نفیس سینافر

اینانج‌لار / اوزرلیک اوزرلیک یاندیرما : *اوزرلیک یاندیراندا کیمسه‌نی اؤپمزلر یوخسا اوزرليک ائتکی‌سیز اولار. *اوزرلیک یاندیراندا ایکی دمیر بیربیرینه توققوشسا اوزرلیک ائتکی‌دن دوشر. *گئجه اوزرلیک ياندیرمازلار، یاندیرسالاردا ائتکی‌سیز دیر. شکیلـده اولان تؤرن خوراسانـدا یاشایان گرایلی تورک‌لرینین توی تؤرنی دیر. نفیس سینافر

اینانج‌لار / قافیل گولـله / قَفیل گولـله / قافیل سانجی قَفیل گولـله / قافیل سانجی : أسکی چاغ‌لاردا بیری‌نین آپاندیسی پارتلایاندا آغیری – اینجی‌سینین و یا اؤلومونون ندنی آنلاشیلمادیغی اوچون او آداما قفیل گولـله دَییب دئییرمیش‌لر. نفیس سینافر

  اینانج‌لار / تولکو / تیلکی ایرانین گونئی‌یینـده یاشایان تورک‌لرین اینانج‌لارینـدان : تولکولر وایخیراندا (واققیللایاندا) باشماق‌لار اوزو اوستونه چئویریلسه تولکولرین سس‌لری کسیلر. نفیس سینافر

اینانج‌لار / بیزدن یئی‌لر قاشقایی تورک‌لرینـده بیزدن یئی‌لره باغلی اینانج لار: -گئجه‌لر تولوغدان سو گؤتورمزلر؛ بیزدن یئی‌لر اوندان سو گؤتورمه‌یه گلمیش اولا بیلرلر. -گئجه‌لر یئره سیجاق (ایستی ) سو تؤکمزلر؛ بیزدن یئی‌لرین بالالاری‌نین اوستونه تؤکوله بیلر. بئله‌جه بیزدن یئی ‌لردن ساری گلن قادا بالادان ایراق قالارلار. نفیس سینافر

اینانج‌لار / باش توققوشماسی چارماحال تورکلری‌نین اینانجلارینـدان: ایکی نفرین باشی بیربیرینه دَیَنده، تئز گرک ایکی‌سیده یئره توپورَلر سونراسی دا ساغ اللری ایله باشلارینی قاشیـیالار. بو ایشی گؤرمزلرسه قادا بالایا اوغورادیقلارینا اینانیرلار. نفیس سینافر

اینانج‌لار / قیچی اودوملو آراز چایینـدان کئچه‌نین قیچی اودملو اولار. اؤرنک اوچون بیر قادینین اومماق سونوجوندا دؤشو شیشمیش اولسا قیچی اودوملو بیری گلیب یاواشجا قیچینی اونون دؤشونه باسیب دئیَر : نئجه گلیبسن ائله‌جه گئت. بئله‌جه شیشـین یاتماسی و اومماغین کئچمهسینه اینانارمیشلار. نفیس سینافر