یئنی قاپی – ائل بیلیمی
یئمک‌لر / ییرتیقلی / ییرتیخلی / کلم آشی
ییرتیقلی / ییرتیخلی: ییرتیخلی اورمو شهرینه ( اورمیه شهرینه )اؤزل یئمک‌لردن دیر. بو یئمک اورمو کلمی، یاغ سوغان، دویو، یارما، لپه یا پؤلوک (قیرمیز ماش)، جعفری و نانه قوروسو، لیمو سویو یا سوماق دان اولوشور.
ایلک باشدا کلمی ییرتیق ییرتیق ائله ییب یویارلار. یاغ سوغانی آش درمانی (أدویه) ایله قیزاردیب دویو ایله یارمانی و لپه نی (یوخسا قیرمیز ماشی ) آرتیریب ؛قابلامایا سو تؤکرلر. قایناماغا توشندن سونرا کلمی آرتیرارلار. ایسترسه‌لر روبـدا بو یئمَگه آرتیرارلار. کلم بیراز پؤشله‌نندن سونرا قورو نانه، اونون دا ایکی قاتی جفری (جعفری) قوروسونو یئمگه تؤکرلر. أن سوندا دا لیمو سویو یا سوماغین قاینانمیش سویونو آرتیرارلار. دوزو کلم بیشندن سونرا بو یئمگه تؤکرلر چون دوز کلمـین گئج بیشمه‌سینه ندن اولار. بو یئمک کلم دولماسینین ییرتیلمیشی دیر.
ییرتیخلی نین آدی کلمی ییرتیق ییرتیق ائله‌مَیه باغلی اولا بیلر ،اوبیر یاندان کلم دولماسینین (سارماسینین) ییرتیلماسینین سونوجوندا دا ییرتیخلی یئمگی اولور ، ییرتیخلی‌نین آدینی چوخ کیمسه بونا باغلاییر.
نفیس سینافر
This post is also available in: TÜRKCƏ
