یئنی قاپی – ائل بیلیمی
گئییم‌لر / باش گئییمی / آراشقین
آراشقین / آراخچین :
أسکیدن قادین‌لار چارقات‌لاری‌نین آلتینـدان ساچ‌لاری‌نین قاریشیب-داغیناقلیغی‌نین قارشی‌سینی آلماق اوچون بو بؤرکو باشا قویاردیلار .آراشقین ایکی بؤلومـدن اولوشان یاریم یووارلاق (یاریم گیرده) بیر بیچیمده بؤرکدور :
-اورتا بؤلومو: بؤرکون تپه‌سی. بو بؤلومو دگیشیک تیکیشلر’له بزییه‌رلر. بو بؤلومو “قوببا” یا دا “تئل باسار” آدلی سوسگه‌لر’له سوسلرلر.
-قیراق بؤلومو : آلینین اوزری و اوستونه اوتوران بؤلومدور . بو بؤلومو پول‌لار و قایتان‌لار’لا سوسلرلر.
آراشقین چنه آلتینـدا ” چنه آلتی” آدلی باغی ایلا برکی‌یر. چنه آلتی باغینـدان سوسگه‌لر آسیلار
گئنلـده قادین‌لار آراشقینی قویو بویاق‌لی مخمر اینن تیکرلرمیش. گلین‌لرین آراشقینی قیرمیز اولار. مخمرین اوستونه قیزیل یوخسا گوموش ایپلر’له چئشیدلی ناخیش‌لار تیکرمیشلر. آراشقینین اؤزرینده ایشلنن سوسگه‌لرین دگری آییلانین (عاییله نین) وارلیغینی بللی إدرمیش.
نفیس سینافر
This post is also available in: TÜRKCƏ
