یئنی قاپی – ائل بیلیمی
قوشقولار / قاشقایی قوشقولاری
آذربایجان بؤلگه‌لرینین آدی ایچینده کئچن قاشقایی قوشقولاری ایلا آساناک‌لارینـدان نئچه اؤرنک:
*بو یول گئدر تبریزه
قناتی ریزه ریزه
(قند آتین ریزه ریزه)
خودام بیر یول وئر بیزه
بیز گئدک اؤلکه‌میزه.
*هئچ بیلمه‌دیم هارا گئدیب هاننا دیر ، هاننا دیر (هایاندا دیر)
اورومـدا دیر، حلبـده دیر، شامـدا دیر شامـدا دیر.
* داغلاردا مارال ایسه‌نگ، چؤللرده جئیران
ایروان، نخجوان بویونگزه قوربان.
*پریم گَل تا واراگ(واراق) بیزیم داغلارا
بیزیم باغچالارین باری وار باری
گؤنگول آیریلیر چؤل موغان‌لارا
موغان داغلارینین قاری وار قاری.
*قارشی‌یا یاتان قارلی سهند
نه خوب أسر سَنینگ یئلینگ
گئدر قیشینگ گَلر یازینگ
خوررَم اولور سَنینگ ائلینگ.
*دورنام گئدیرنگ تبریزه
پینهانی سؤزوم وار سیزه
قلم قاشا، قره گؤزه
مندن اونا سلام ائیله
دورنام گئدیرنگ کوردلارا
یئنگی‌دن کوهنا یوردلارا
قوچ ایگید بوداو آتـلارا
مندن اونا سلام اولسون.
*گولوستانیم هئچ یاد ائدمـنگ بولبولو
نظردن سالمیشانگ منیم تک قولو
همراه تا گؤتورَک آسا (عصا) کشکولو
بلکه یاریم صیاد گورجوستاندا دیر.
*دربند که دئیرلر بیر پارچا باغ دیر
آلت یانی دریا دیر، اوست یانی داغ دیر
ائتریب میوه‌سی درملی چاغ دیر
آلماسی، هئیواسی، ناری دربندینگ.
* سَرایول گَردنیم گیردی بو باغا
اونونگ عصمتینـدن گؤله نور یاغا
داراییب تئللرینی تؤکوب دیرناغا
هاوا ائدیب هشترخاندان گَلایور(گلیـیور).
*سفر دوشدو گورجوستانا
بیزیم اینن گَلن گَلسین
مرد گَلسین، نامرد گَلمسین
قانلی چایدان گَئچن گَلسین.
*گؤنگول هاوا ائدیب موغان داغیـنا
موغان داغلارینین هئیوا ، ناری وار.
قایناق : تاریخ مبارزات ایل قشقایی (دوکتور منوچئهر کیانی)
نفیس سینافر
This post is also available in: TÜRKCƏ
