دب‌لریمیز / ایلین سون چرشنبه‌سی / بیللی-بیللی

دب‌لریمیز / ایلین سون چرشنبه‌سی / بیللی بیللی

بیللی-بیللی / بیللی-بیللیـیا گئتمک: اورمیه شهرینده ایلین سون چرشنبه سی دبلریندن بیری بیللی-بیللیـیا گئتمک دیر. آخشام اوت اوستوندن آتیلاندان سونرا هامی ائوینه چکیلیب، دئیب دانیشیب، چرشنبه یئمیشلرینین یئمگینه باش قوشاندا بیللی-بیللیـیا گلنلر قاپیلاری دؤیرلر. بیللی-بیللیـیا گلنلرین کیم اولدوغو بللی اولماز، اوزلرینی گیزلدرلر. ائو یئیه‌سی کیمسن سوروشاندا بیللی-بیللیـیا گلمیشیک دئییه یانیتلارلار. سونرا بیللی-بیللیـیا گتیردیکلری توربا یا قابی ائو یئیه‌سینه وئررلر. او دا چرشنبه یئمیشلریندن توربایا تؤکوب اونلارا قایتارار. ائو یئیه سی گؤنلونه گؤره بیللی بیللی تورباسینی دولدورار.
اسکیدن کندلرده جوراب کیمی توخومالاردان دا بیللی-بیللی پایی اولاراق توربالارا قویارمیشلار.

بو دب داملارین باجاسیندان شال ساللاماقلادا یئرینه گتیریلر. بو دبه شال ساللاماق یا قورشاق ساللاماقـدا دئیرلر.

نفیس سینافر

This post is also available in: TÜRKCƏ