یئنی قاپی – ائل بیلیمی
اینانجلار / درگزین اینانجلاری
هاوا دوروم‌لاری ایلا ایلگین همدانین درگزین بؤلگه‌سینده اولان اینانجلار:
-قیش آی‌لاریندا یئل دوغودان أسرسه یاغینتی اولاسیلیغی یوزده دوقسان دوققوزدور.
-یئل ایسفاهاندان ساری أسرسه یاغینتی اولاجاقدیر.
-قیش گئجه‌لرینده آی یؤورسینده بیر هالای اولوشورسا ییرمی دؤرد ساعات سونراسی یاغینتی اولاجاقدیر.
-قیش گون‌لرینده هاوا گونش‌لی اولوب گونون ایستیسی یاندیرارسا (دیشک واری اولسا) یوزده یوز یاغینتی اولاجاقدیر.
-یاز آی‌لاریندا یئل گون باتانـدان أسرسه دولو و یاغیش یاغار بو اولایین آدی گچی قیرن (گئچی قیران) دیر.
یاز و قیش آی‌لاری‌نین یاغینتی‌لی گون لرینده گون دوغان چاغی گونون یؤوره‌سی ساری اولورسا او گون هاوا بولوت‌لو و یاغینتی اولاجاقدیر .
گون باتان چاغی گونون یؤوره‌سی ساری اولورسا او گونون سحری هاوا آچیق و گونش‌لی اولاجاقدیر.
نفیس سینافر
This post is also available in: TÜRKCƏ
