یئنی قاپی – ائل بیلیمی
اویون‌لار / اورمونون یئرلی اویون‌لاری / پیلله-دسته
پیلله-دسته
بو اویون آچیق آلانـدا اوینانان اویونلاردان دیر.اویونجولار ایکی ائشیت تاخیما بؤلونورلر.
بیر قوروپ بیر چوققور قیراغیندا یا دا نیشانلانمیش بیر یئرده دورارلار، او بیریسی قوروپ چوققوردان اوزاقدا اولوب اویون آلانینـدا داغیلار.
اویون یاراق‌لاری بیر آرشینلیق دسته آدینـدا بیر آغاجـدان و پیلله آدیندا بیر آرشینین بئشدن بیری اولان بیر تیکه تخته‌دن اولوشور .
اویونو باشلایان تاخیم دسته اینن پیلله‌یه ووروب بیر آرشین یئردن اوجالیغا آتار؛ اوندا برکـدن بیر ضربه پیلله‌یه وورار. پیلله قارشی تاخیمین آلانینا ساری توولانیب گئدر. او تاخیمـدان بیریسی پیلله‌نی گؤیـده قاپارسا بو ایش تاخیمین قازانجیـنا اولار. پیلله یئره دوشرسه، گرک بو تاخیمـدان بیرسی پیلله‌نی گؤتوروب آتیش دان سونرا یئره قویولموش دسته‌یه ساری آتا. پیلله دسته‌یه توش گلیرسه بو تاخیمین قازانجی اولور یوخسا باشلایان تاخیما قازانج ساییلار.
عکس: اورمیه اولوس تانیما موزه‌سی
نفیس سینافر
This post is also available in: TÜRKCƏ
