یئنی قاپی – ائل بیلیمی
اوجاق‌لار / سؤهوممت / اوچ گونبز
سؤهوممت / اوچ گونبز : سؤهوممت گونبزی اورمیه‌نین جانبازان (اوستاد برزگر) خیاوانینـدا اولان أسکی دؤنمـدن قالان تیکینتی‌لردن دیر. قایناق‌لاردا بو تیکینتی‌نین سلجوقلو دؤنمینـدن قالدیغی یازیلیب‌دیر. باشقا آراشتیرمالاردا بو تیکینتی‌نین چوخ داها أسکی دؤنمـدن قالدیغی یازیلمیش‌دیر. بیر پارا کیمسه‌لر بو تیکینتی‌نین آدینا اوچ گونبز یا سه گونبد دئییرلر ندنی‌نی ده ایکی داها بو گونبزدن یاخین شهرلرده اولدوغویموش. بللی اولدوغوجا بو آد سونرادان وئریلن قوندارما آدلاردان دیر. اورمولولار بو گونبزه سؤهوممت دئییرلر. بو گؤنبزین أسکی آدی سؤهوممت دیر.
سؤهوممت أسکی تورک اوجاق‌لاریندان بیری دیر. اوجاق‌لار تورک‌لرین قوتسال بیلدیگی و تاپیندیغی یئرلردیر. بو اوجاق‌دان سوتـو گلمه‌ین کؤرپه اوشاغلی آنالار سوت ایسترمیش‌لر. سوتو اولمایان آنا اوجاغا گئدیب گونبزده اولان باجالارا بوغدا تؤکوب، قوزو کیمی مله‌یرمیش ، سونراسی دؤشونون سوت اینن دولماسینی دیله‌یرمیش.
بیر ائلین یا اویماغین بؤیوگونون قابیری دا (قبیری ده) اوجاق ساییلار، اونا گؤره بو تیکینتی بیر بؤیوک خاقان، خاتین یوخسا خان یا بگین قابیری اولمالی‌دیر. هر حالـدا بو تیکینتی اورمو شهرینـده هله ده وار اولان اوجاق‌لاردان بیری دیر .
اورمو شهری و کندلرینده بوتون تورک ائل‌لری کیمی چوخلو اوجاق‌لار واریمیش. بو اوجاق‌لار چوخونلوقلا فاشیست پهلوی دؤنمینده تورپاق ایلا بیر اولدولار و اوزَرلرینه آییری تیکینتی‌لر تیکیلدی.
نفیس سینافر
This post is also available in: TÜRKCƏ
