یئنی قاپی – ائل بیلیمی
اینانج‌لار / قیز گولو / اوغلان گولو
قیز گولو / لاله گولو : خوراسان تورکلری لاله گولونه “قیز گولو ” دئیرلر. بو گولون قونچاسی ایلا ایلگیلی خوراسان تورکلری‌نین آراسیندا بیر اینانج وار. بو قونچالار آچیلانا جان نئچه آشاما بویاق دَییشرلر. ایلک گونلری آل‌آغ (پمبه / چؤهرایی) بویاغـدا اولارلار سونرا گئتدیکجه قیزارارلار. ایلک گونلرده بو قونچالارا اوغلان گولو دئیرلر نئچه گون سونراسی بو قونچالارین ایچی قیزاراندان سونرا آدینا قیز گولو دئیرلر. بوندان سونراسی گول آچیلیب سولاناجان آدی قیز گولو دور.
بو قونچالاری قیزلار و اوغلانلار یاخجی یاشام یولداشی تاپماق اوچون یئیرلر. قیزلار قونچالاری آچیب پمبه‌سینی یئیرلر اوغلان‌لاردا تکجه قیزارمیشلارینی یئمه‌لیدیرلر. اینانجلارا گؤره بو قونچالارین قیزیل بویاقلی‌سیندان بیر اوغلان بئش دنه یئسه یاخجی بیر خاتون (خوراساندا کیشی یاشام یولداشینا خاتونوم دئیر) آلین یازیسینا یازیلار. بیر قیزسا بو قونچالارین پمبه بویاقلی‌سینی یئسه یاخجی بیر آقا / أر ( خوراساندا قادینلار أرلرینه آقا دئیرلر) قارشی‌سینا چیخار.
گؤندرن : ییلماز خوراسانلی (عبدالله قاسمی)
نفیس سینافر
This post is also available in: TÜRKCƏ
