یئنی قاپی – ائل بیلیمی
گئییملر/ سوسگهلر / مَلهو / مَهلو
ملهو / مهلو :
ملهو کؤچری قادینلارینین بویماقلاریندان دیر. “ملهو/ محلب” آجی گیلهنار آغاجینـا گونیئـده دئییلَن آد دیر.
ملهو يا مهلو بویماغی ایرانین گونئی تورکلرینین آراسینـدا آجی گیلهنارین چکیردگینـدن دیزیلن بویون باغینین آدی دیر . ملهونون یئمیشلرینین چکیردگی اولدوقجا اییلی دیر. کؤچری قادینلار بو چکیردکلری بویاییب ، سونرا اورتاسیندان دلیب بویونباغی دوزلدیرلر.
ملهونون اییسی زامان کئچدیکـجه اوچماز ، تنین تری و اییسی ایله مهلونون آجی اییسی قالخیب یاییلار. ملهو بویماغینی دوزلتمک هر کیمین بگنیسی ایله دگیشیر آما گئنلده بئله دیر : اؤرنک اوچون ملهودان 5،6 داناسینی 5،10 ایپلیگه اویمسوز یا اویمولو بویاقلاردا دیزرلر. سونراسی بو ایپلیکلرین هامیسینی تک مینجیقـدان کئچیردرلر.
بو گونلرده بویماغین اورتاسینـدان بیر مینجیق یا آسمالیق آسماق دب اولوبدور.
نفیس سینافر
This post is also available in: TÜRKCƏ
