یئنی قاپی – ائل بیلیمی
قوشقولار / هپسنه
هَپسَنه اوی هَپسَنه
هَپسَنه بیر قوشویدو
باغچایا قونموشویدو
بی اوغلو گؤرموشويدو
اوخوننان وورموشويدو
بی اوغلودان بئزارام
کتان کؤینک یازارام
کتان کؤينک میل میلی
گل اوخو بیزیم دیلی
بیزیم دیل اورمو دیلی
اورمودان گلن آتـلار
آغزیندا یئین چاتلار
تات منه داری وئردی
دارینی سپدیم قوشـا
قوش منه قانات وئردی
قاناتلاندیم اوچماغا
حق قاپیـسین آچماغا
حق قاپیـسی کیلیدلی
کیلیدی دَوه بوینوندا
دَوه شیروان یولوندا
شیروان یولو زر بَزر
ایچینده آهو گزر
آهونون بالالاری
منی گؤردو آغلادی
أتگیمه قیغلادی
أتگیم دلیک دلیک
قورباغا بؤلوک بؤلوک
قورباغایی حاخلادیم
حسن بیی ساخلادیم
حسن بین نهیی وار؟
حسن بیـین ایتـی وار
(گؤی مینجیقلی آتـی وار)
أللی باتمان گؤتو وار.
بو قوشقو اورمو شهرینین یئرلی قوشقولارینداندیر. بو قوشقویا اوخشار قوشقولار بوتون تورک ائللرینده واردیر.
نفیس سینافر
This post is also available in: TÜRKCƏ
