یئنی قاپی – ائل بیلیمی
خبرلر_یازیلار / فولکو-یازی / قارین باشا بلادی
نئچه ایل ایدی محررملیکـده بیزه آش و ساری شیلهدن باشقا, إحسان وئرن اولموردو. بیزده اوتانیردیق إحسان وئرن مسجیدلره گئدیب نوبَیه دوروب آلاق.
کئچن ایللرده عاشورا گونو باجی قیزیم دئدی: آبالام أویرگان کندینین, شبئحلری چوخ گؤزل اولور دئییرلر. شاگیردلریم ده, منه ایصرار إدیبلر کی حتمن گرک گلهسن.دورون گئدک !.بیر تیرایله نئچه نیشان ووراق,هم یزیدین قیزلاری اولوب؛ بو گون إوده اوتورمویاق اوردا عاشورا شبئحینه باخاق، همیده ایمام حوسئین إحسانی یئیک ,دئییرلر بیرأویرگانلی وارلی کیشی, هر ایل تئهراندان گلیر نئچه مین نفره غذا وئریر.
دئدیم:آی جانیم 50 ایلدی بو شبئیحلره باخیرام دا .هامیسینی أزبردن بیلیرم! باشلادیم علی اکبر”ع” جنگ مئیدانینا گئتمک نوحهلریندن اوخودوم: علی اکبر مئیدانا گئدنده, گلیر خیمهلرین یانینا عائلهسیندن ایذین آلسین .جناب سکینه باجیسی قویمور.آغ خلعتی علی اکبر(ع) چیگینینـدن آتیر یئره بئله بیر نوحه دئییر: إی بولبولِ باغ و چمن علی جانیم گییمه کفن و …..
.دئدی دورون گئدک بابا بلکه اینشاللاه بو ایل ایمام حوسیئن شیمرین باشین کسدی!!!.
بیزیمـده اورگیمیز ایمام حوسین عشقینـدن دولو و قارنیمیزدا اوستوموزه آغاج گؤتوردو.
دوردوق کیشیسیز ماشینی گؤتوردوک گئتدیک.
گئرچکدن ایندیهدک گؤردوگوم أن گؤزل نیماییشلردن ایدی.ایستر ایستمز اینسانین گؤزونون یاشی دورموردو
شبئح قورتولدو بیز قالدیق بیرده شبیه ده اوینایان آتلار..
قاییدیب سویو سوزولموش گلدیک…
یزیدین ساواشینـدان دا قالدیق ایمام حوسئینین آشینـدان دا. ..
یازار : ذکیه ذولفقاری
نفیس سینافر
